Tres persoas feridas tras unha colisión múltiple na A-55, á altura de Mos

Foron trasladados ao Hospital Álvaro Cunqueiro e un a Povisa

Tres persoas resultaron feridas nun accidente no que se viron involucrados tres vehículos na autovía A-55 á altura da parroquia de Petelos, en Mos.

Os propios condutores que sufriron o accidente foron os que alertaron ao 112 Galicia para pedir axuda.

Dous dos feridos foron trasladados ao Hospital Álvaro Cunqueiro e un a Povisa.

O suceso tivo lugar este venres sobre as 9 horas e ao lugar dos feitos trasladáronse profesionais do 061-Urxencias Sanitarias, así como os membros do Servizo Local de Urxencias de Mos e axentes da Garda Civil de Tráfico.