Un accidente de tráfico rexistrado en Gondomar a última hora deste martes saldouse con tres persoas feridas, todas elas membros do equipo de fútbol da localidade.
O sinistro desencadeouse nunha rotonda da avenida Elduayen ao redor das 23.30 horas, cando unha furgoneta se saltou un ceda ao paso e chocou contra o lateral do coche onde viaxaban as vítimas.
No turismo viaxaban dous membros do corpo técnico do Gondomar CF –segundo adestrador e preparador de porteiros– e dous xogadores. Os dous primeiros e un dos futbolistas resultaron feridos leves e tiveron que ser trasladados a un centro médico, mentres que o xogador restante e o condutor da furgoneta resultaron ilesos.