A Garda Civil ha desarticulado un importante punto de venda e distribución de drogas nunha casa no municipio de A Cañiza onde se incautaron diversas cantidades de estupefacientes. O operativo concluíu coa detención dos dous membros da parella que vivía no inmoble, como presuntos autores dun delito contra a saúde pública, por tráfico de drogas.
As investigacións iniciáronse o pasado mes de abril cando se ten coñecemento de que esta casa, que se atopa situada na parroquia das Achas, do municipio da Cañiza, podíase estar a utilizar como punto de distribución e venda de droga polo miúdo “”, xerando na veciñanza unha situación de inseguridade pola afluencia de consumidores habituais de estupefacientes que frecuentaban o inmoble.
Por mor das investigacións realizadas confirmáronse as sospeitas e logo dos dispositivos establecidos polos efectivos do Posto da Garda Civil da Cañiza, chegáronse a interceptar a varios consumidores habituais inmediatamente logo de comprar a droga nesta vivenda.
O operativo culminou coa detención das dúas persoas que supostamente estaban a utilizar o inmoble como punto de venda e distribución de estupefacientes aos consumidores da comarca, que se trata dunha parella, de 50 e 42 anos, con antecedentes policiais. No rexistro que levou a cabo no domicilio interviñéronse preto dun centenar de dose de cocaína, 800 gramos de haxix, unha báscula de precisión e unha importante cantidade de envoltorios e envases para a distribución da droga.
Comisáronse preto de 7.000 euros en efectivo, tres teléfonos móbiles e o vehículo que utilizaban habitualmente para o abastecemento e distribución e a droga
Ademais, comisáronse preto de 7.000 euros en efectivo, tres teléfonos móbiles e o vehículo que utilizaban habitualmente para o abastecemento e distribución e a droga.
Unha vez instruídas as correspondentes dilixencias no cuartel da Garda Civil da Cañiza, a muller quedou quedo en liberdade coa obrigación de comparecer cando fose citada, en tanto que o home, xunto coa droga e demais efectos incautados, foi posto a disposición do Xulgado de Instrución número 3 de Ponteareas que decretou a súa liberdade provisional con cargos.