O Goberno financiará a través do fondo extraordinario Covid -19 senllos proxectos sobre unha vacina contra o coronavirus desenvolvidos polas empresas galegas CZ Veterinaria e Biofabri, ambas as pertencentes a grupo Zendal, con sede no Porriño.
A achega conxunta a estes dous proxectos ascende aos 986.227 euros, e circunscríbese á primeira resolución do Ministerio de Ciencia e Innovación sobre este fondo extraordinario xestionado polo Centro para o Desenvolvemento Tecnolóxico Industrial (CDTI).
O orzamento conxunto é de 12 millóns de euros para o apoio a iniciativas empresariais de I+D e investimento dedicadas ao incremento de produción de material de urxencia, mellora do tratamento e diagnóstico da enfermidade e a implantación de medidas de saúde pública.
Esta primeira resolución concedeu 2,9 millóns a sete proxectos con sede en España, dos cales tres realizarán investigacións e investimentos produtivos no ámbito das vacinas contra a Covid-19; dous presentan desenvolvementos para sistemas de ventilación asistida (respiradores) e os dous restantes para a fabricación de máscaras.
