En Marea Ponte Caldelas denuncia a decisión do Concello de cortar varias ramas de dous plátanos situados na Praza de Abastos para dar acceso aos camións das orquestras. O acto tivo lugar o pasado domingo, durante a celebración das Festas dás Dores.
En Marea Ponte Caldelas considera equivocada a decisión tomada polo equipo de Goberno ao non ter en consideración os problemas derivados da talla das ramas. Ademais, a resolución repentina provocou non contemplar que "a tan só dez metros a vila conta cun espazo de fácil acceso e que evitaría lestes estragos".
Iso mesmo apuntou o alcalde do municipio, Andrés Díaz, a través da súa conta de Facebook, na que reiterou que "había sitio na esquina da Praza de Abastos. E se o escenario lucía menos, lucía menos". Ademais, aproveitou o escrito para asumir toda a responsabilidade e afirmar que "estas festas das Dores xa non serán as mellores da historia por culpa de fallos así".
A pesar de que no pasado xa se viviron circunstancias similares coa montaxe dos escenarios das orquestras que visitan o municipio nas Festas das Dores, esta complicación fixo que o espectáculo da París de Noia non comezase ata a unha da madrugada.
