Tres dos cinco ocupantes dun vehículo resultaron feridos este mércores ao saírse da vía ao tratar de esquivar un xabaril nunha estrada de Tui.
Segundo o 112, a irrupción do animal obrigou ao condutor a realizar unha manobra inesperada e o vehículo acabou chocando contra unha árbore. Tres dos cinco ocupantes sufriron diversas lesións e tiveron que ser atendidos nun centro médico.
O accidente ocorreu preto das 14.00 horas nunha estrada de monte entre Areas e Malvas, no termo municipal de Tui. Un dos implicados avisou ao 112 e aclarou que os cinco ocupantes estaban fóra do coche, pero que tres necesitaban asistencia sanitaria.
Foron mobilizados os profesionais do 061- Urxencias Sanitarias, así como dos axentes da Garda Civil de Tráfico e voluntarios de Protección Civil.
