lunes. 21.06.2021 |
El tiempo
lunes. 21.06.2021
El tiempo

Pecha unha aula do colexio Álvarez Limeses por un positivo en covid-19

Un aula. PIXABAY
Unha aula. PIXABAY
Os casos nos centros educativos da área baixan de 69 a 68

Os centros educativos non universitarios da área sanitaria de Pontevedra-O Salnés rexistran 68 casos activos, un menos que o día anterior. Segundo os datos do Sergas facilitados este venres pero actualizados ata o xoves, hai unha aula máis en corentena, ao sumarse unha unidade do CEIP Álvarez Limeses de Pontevedra ás dúas xa pechadas no IES Illa de Tambo de Marín e á clausurada no colexio de Chancelas de Poio.

Ademais, detectáronse novos positivos en varios centros que estaban limpos de covid-19: a escola infantil O Toxo de Pontevedra, o colexio Nosa Señora das Dores de Forcarei, o colexio Isidora Riestra de Poio e, os centros da capital CEIP Praza de Barcelos, CIFP A Xunqueira e IES A Xunqueira 1. Da lista de centros con casos saen o IES Valle Inclán de Pontevedra, o colexio de Portonovo e o colexio Xulio Camba de Vilanova.

COLES Ponche

23 CASOS EN FERROL. Un cribado levado a cabo pola Consellería de Sanidade no colexio Tirso de Molina de Ferrol destapou 23 casos positivos en covid-19, todos eles asintomáticos. 

As probas iniciáronse o xoves e finalizarán este venres, cando se completará o diagnóstico de 390 estudantes e profesores. 

Fonte consultadas por Europa Press aseguran que todos os positivos detectados son asintomáticos e entre eles non está afectado ningún profesor. 

Esta situación derivou no peche de catro aulas deste centro educativo privado situado no barrio da Magdalena, na rúa Arce, onde se imparten ensinos de Educación Infantil, Primaria, Secundaria e Bacharelato. 

GALICIA. Os casos activos de coronavirus en centros educativos non universitarios de Galicia mantéñense este venres nos 478, mentres que as aulas pechadas pasan a ser 23, tres máis que onte, segundo os datos da Xunta.

Polo momento, só se contabiliza o peche completo dun centro educativo ao completo, concretamente o da escola infantil PAI en Tordoia, en Santiago de Compostela, debido á pandemia.

A área de A Coruña e Cee segue sendo a máis afectada con 197 casos activos entre alumnos e profesores (dous menos) e mantéñense as sete aulas en corentena notificadas o día do xoves.

Doutra banda, a área de Vigo conta con 77 positivos (cinco menos) e seis aulas pechadas (unha máis); mentres que Pontevedra contabiliza 68 contagios (un menos) e tamén suma unha aula en corentena, para un total de catro.

Ademais, Santiago contabiliza 42 casos activos (un menos) e mantense cunha única aula pechada. A área de Ferrol conta con 45 positivos (catro máis) e contabiliza unha única aula en corentena (igual); mentres que Lugo suma 28 casos (catro máis) e outra aula en corentena (unha máis). 

Finalmente, Ourense conta con 21 positivos entre profesores e alumnos (un máis) e mantense con tres aulas clausuradas.

Pecha unha aula do colexio Álvarez Limeses por un positivo en covid-19
comentarios
ç