martes. 15.06.2021 |
El tiempo
martes. 15.06.2021
El tiempo

Pechan aulas en dúas escolas infantís de Pontevedra e no IES de Cotobade polo covid

Actividades de un niño en un aula. EUROPA PRESS
Actividades de un niño en un aula. EUROPA PRESS
Reabriu unha que estaba en corentena na EI Marín-O Seixo ► Os casos activos na área chegan a 107

Os casos activos nos centros educativos non universitarios da área sanitaria de Pontevedra-O Salnés aumentaron en seis, para un total de 107, segundo os datos facilitados este xoves polo Sergas, actualizados ata o mércores.

Tamén medra a cifra de aulas pechadas, ao pasar de dúas a catro. Mantense clausurada una unidade no CEIP de Seixo de Marín, onde reabriu a que estaba en corentena na escola infantil Marín-O Seixo. E quedaron pechadas tres que non o estaban no IES de Cotobade e nas escolas infantís Bamby e O Toxo, ambas de Pontevedra.

En Galicia subiu a 33 o número total de aulas pechadas, o que supón dúas máis que no día anterior, todo iso a pesar de que o número de casos activos de covid-19 descenderon a 619 –dous menos–. Mentres, segue sen haber centros clausurados debido á incidencia deste coronavirus. 

Tal e como arroxa o balance actualizado este xoves polas consellerías de Educación e Sanidade, as infeccións activas en centros educativos redúcense nas áreas da Coruña (-10), Ourense (-5) e Vigo (-3); mentres que soben nas de Santiago (+6), Pontevedra (+6), Lugo (+1) e Ferrol (+1). 

BALANCE PONTE

A área de Vigo segue un día máis á cabeza con 202 infeccións activas –tres menos– e 17 aulas pechadas –dúas máis–, catro delas continúan pechadas por catro contaxios –dous menos– no IES San Paio de Tui; e outras dúas por nove positivos na Escola Infantil Santa Isabel da cidade olívica, onde outra escola infantil ten dúas clases clausuradas por seis infeccións activas. 

Séguelle a da Coruña con 161 casos activos –10 menos– e cinco aulas pechadas –unha menos–, delas hai tres clases clausuradas no CEIP Plurilingüe Isidro Parga Pondal de Oleiros por 27 positivos –un máis–, que supoñen o maior número de entre todos os centros de Galicia. 

Mentres, na área de Pontevedra increméntanse a 107 as infeccións activas –seis máis– e agora hai catro aulas pechadas –dúas máis–. O CEIP de San Roque de Vilanova de Arousa segue como o máis afectado con 14 contaxios –dous menos–. 

Pola súa banda, a área sanitaria de Santiago conta con 81 positivos en centros educativos --seis menos-- e catro clases pechadas –unha menos–. O centro con máis positivos segue sendo o CPR Plurilingüe Jaime Balmes de Noia, con seis, e unha aula clausurada pola incidencia da covid-19.

MENOS CASOS. Polo seu lado, a área de Ourense baixa até os 28 casos activos de covid-19 --cinco menos-- distribuídos entre unha vintena de centros o que máis concentra é o IES O Ribeiro en Ribadavia, con catro– e segue como a única de Galicia sen aulas pechadas por este coronavirus. 

Con iso, Ourense iguala no número de casos activos a Lugo, que tamén acumula un total de 28 –tres máis–, aínda que a área lucense continúa cunha aula pechada –sen cambios–. O maior número de casos rexístranse no IES Val do Asma, en Chantada, que ten 5 casos activos e a aula pechada. 

Finalmente, aínda que Ferrol incrementou en un o número de casos activos, mantense á cola de Galicia, con 12 contaxios repartidos en nove centros e dúas clases clausuradas pola incidencia da covid –sen cambios–, unha delas na Escola Infantil Virxe do Chamorro por dous positivos e outra nun colexio da Capela. 

Pechan aulas en dúas escolas infantís de Pontevedra e no IES de...
comentarios
ç