A Policía Local de Mos comezou a felicitar nas súas vivendas os menores de 10 anos o día do seu aniversario, ás oito da tarde, a petición dos seus pais. O goberno local explica, nun comunicado, que a iniciativa se puxo en marcha a proposta do corpo policial para amenizar o confinamento aos máis pequenos.
Deste xeito, este luns, os axentes dirixíronse ao domicilio dun neno que cumpría tres anos e, a petición da súa nai, felicitárono coas luces e sereas dun vehículo policial.
Así, os pais e nais da localidade que desexen que se felicite os seus fillos do mesmo xeito deberán especificar o nome dos nenos, a dirección da súa vivenda e a data do seu aniversario. Estes datos deberán ser remitidos, xunto a un teléfono de contacto, á dirección de correo electrónico do corpo ([email protected]).
