A presidenta da Deputación de Pontevedra, Carmela Silva, selou co presidente da Spain Film Commission, Carlos Rosado, a adhesión da provincia a esta entidade para consolidar ao territorio como "un gran estudio de cine". Nun acto en Fitur, a presidenta da institución provincial subliñou que este acordo é "fundamental" para "
Deste xeito, Pontevedra convértese na primeira provincia galega que entra na rede de traballo cara ao futuro 'hub' audiovisual de España. A este acto tamén asistiu a vicepresidenta da Spain Film Commission, Teresa Azcona.
Todo iso "nun momento en que o sector turístico mostrou unha gran adaptación a un novo escenario no que a calidade, a sustentabilidade e a dixitalización son claves, e cando temos un sector audiovisual na provincia que está a demostrar unha capacidade indiscutible e unha grande implicación nas accións de fortalecemento", apunta Silva.
"Hoxe é un gran día. Este é un novo paso para consolidar a nosa provincia como gran estudio de cine. Temos grandes produtoras, grandes actores e actrices, grandes guionistas, un talento indiscutible no audiovisual e unha gran potencia cultural. Pero tamén temos no territorio un catálogo de recursos moi amplo e versátil, como pazos, adegas, castelos, bosques centenarios, praias, ruínas en paisaxes únicas, centros históricos, gastronomía... e unha ancha lista de elementos que ven acompañados por unha luz especial e unha oferta de servizos necesarios para calquera rodaxe", sostén a presidenta provincial.
Recorda que a Deputación recibiu en dúas ocasións o premio ao mellor audiovisual turístico do mundo na categoría de mellor produto por Fame de experiencias e Segue o teu instinto, que lograron 24 galardóns internacionais. Igualmente, destacou que o programa Pontevedra Estudio de Cinema supuxo a rodaxe de diferentes films recoñecidos como Valentina, Nación ou 9 fugas.
VALORACIÓN DA SPAIN FILM COMMISSION. Pola súa banda, Carlos Rosado mostrouse "enormemente compracido" pola incorporación da Deputación á Spain Film Commission e polo "seu decidido compromiso" de impulsar o audiovisual para que sexa un vector clave.
"Oxalá a decisión da provincia de Pontevedra sirva para que outras provincias galegas e non galegas tomen o mesmo camiño. Envorcarémonos coa Deputación, facémolo con todos, pero cos que achegan un valor especial como é o voso caso, farémolo aínda máis", garante.
