A provincia de Pontevedra mantén a todos os seus municipios cunha incidencia acumulada a 14 dias por baixo dos 500 casos por cada 100.000 habitantes. OGrove, o único que superaba esta cifra, baixa este mércores do medio milleiro e mostra unha taxa de 494.
Ademais do O Grove, outro concello da provincia sitúase por encima dos 250 casos por cada cen mil habitantes. Este concello é Vilanova de Arousa, que empeora os seus números, pasando dos 293 deste mércores a 332. O que mellora, iso si, é Ribadumia, que descende desde os 274 aos 235 casos/100.00 habitantes.
Outros once municipios sitúanse nesa pinza nunha taxa entre 150 e 250: Arbo, Cambados, Catoira, Crecente, Gondomar, Marín, Meaño, Meis, Ponteareas, Vigo e Vilagarcía.
CONCELLOS LIBRES DE COVID. Hai unha quincena de concellos da provincia que non detectaron ningún caso de coronavirus nas últimas dúas semanas, un menos que este martes: O Covelo, Cuntis, Dozón, Forcarei, Fornelos de Montes, Agolada, A Lama, Mondariz, Mondariz-Balneario, Portas, Ponte Caldelas, Pontecesures, Rodeiro, O Rosal e Cerdedo-Cotobade.
CIDADES. A situación nas cidades galegas é dispar. Vigo e A Coruña, que son as que presentaban xa os peores datos de incidencia acumulada, son tamén as que máis empeoran nesta xornada. Vigo excede os 150 casos por cada cen mil habitantes e sitúase nunha taxa de 152, mentres que A Coruña está en 113.
Pontevedra, a terceira cidade con peores rexistros, logra rebaixar o seu IA, mentres que Lugo e Ourense mantéñense con certa estabilidade, aínda que empeorando a súa cifra. Pola súa banda, Ferrol e Santiago conseguen reducir aínda mais o número de casos.
CIDADE | CASOS EN 14 DÍAS | INCIDENCIA ACUMULADA |
Vigo | 427 | 152 (+8) |
A Coruña | 268 | 113 (+5) |
Pontevedra | 75 | 84 (-6) |
Lugo | 68 | 71 (+2) |
Ourense | 66 | 65 (+2) |
Ferrol | 41 | 59 (-4) |
Santiago | 43 | 42 (-2) |