O Instituto Xeográfico Nacional informou do rexistro, nas últimas horas, dun terremoto de magnitude 2, con centro na localidade pontevedresa de Salvaterra do Miño.
Segundo os datos deste organismo, o sismo rexistrouse ás 8.38 horas do domingo, na parroquia de Leirado (Salvaterra), próximo ao alto de San Nomedio, que xa pertence ao municipio veciño das Neves. O movemento, de baixa intensidade (magnitude 2 na chamada 'escala de Ritcher'), non foi apreciado pola poboación nin causou danos.
Na xornada deste domingo, o Instituto Xeográfico Nacional tamén rexistrou un terremoto de magnitude 3 no Atlántico, fronte ás costas de Galicia, aínda que lonxe do continente (a unhas 80 millas).