O comité clínico que asesora á Xunta de Galicia na xestión da pandemia provocada polo covid-19, acordou manter a Cambados no nivel máximo de restricións e aliviar as restricións en Vilanova de Arousa, que descende ao chanzo alto, onde sobe o concello de Cangas.
O Sergas tamén endureceu as medidas nos concellos pontevedreses de Ponte Caldelas, Bueu, Moaña, Moraña, Valga e Cuntis, todos en nivel medio.
No caso contrario atópanse Vilagarcía e O Porriño, que regresan ao nivel baixo.
Con estes cambios, a situación queda da seguinte forma.
No máximo nivel quedan os municipios de Cambados, Laza e Padrón.
No chanzo alto atópanse os concellos de Cangas, A Laracha, Lobios, Oleiros, Ribeira e Vilanova de Arousa.
As medidas de nivel medio serán de obrigado cumprimento en Ames, Barbadás, Betanzos, Bueu, Carballeda de Valdeorras, Carral, Cerdedo-Cotobade, Chantada, Cualedro, Cuntis, Fisterra, Fornelos de Montes, Gondomar, Lalín, Marín, Melide, Moaña, Moraña, Noia, Ordes, A Pastoriza, Ponte Caldelas, Salceda de Caselas, Santiso, Silleda, Soutomaior, Toén, Tomiño e Valga.
No resto dos concellos galegos estarán vixentes as restricións fixadas no nivel medio baixo.
Todas as medidas entrarán en vigor as as 00.00 horas do próximo venres 14 de maio.
