Os centros educativos da área arrincan a semana con seis casos menos que o venres

Os casos activos de covid-19 en centros educativos non universitarios de Galicia baixaron ata 318, 40 menos que o último o pasado venres, mentres que o número de aulas pechadas ascende a sete, unha máis. Na área de Pontevedra-O Salnés hai 45 infeccións activas, seis menos, e continúa unha unidade en corentena en colexio Manuel Padín Truiterio de Soutomaior, o que máis casos ten, con seis.

Segundo os datos ofrecidos este martes pola Consellería de Educación, actualizados ata o luns, segue sen haber centros pechados pola pandemia na comunidade.

A área de Vigo continúa contabilizando o maior número de contaxios con 117 (14 menos que no último rexistro) e conta con 5 aulas pechadas (unha máis); seguida da de Santiago, que conta con 45 casos, sete menos, e unha aula pechada (sen cambios).

A área de Pontevedra tamén rexistra 45 casos (seis menos) e unha aula pechada (igual); mentres que a de strong A Coruña computa un total de 34 casos (9 menos) e ningunha aula pechada (sen cambios)

En Lugo os casos caen a 32, 7 menos, e continúa sen aulas pechadas; mentres que as áreas de Ourense e de Ferrol rexistran senllos aumentos, de 2 casos, ata os 26 en Ourense e dun caso, en Ferrol, que rexistra 19; ambas, sen aulas pechadas.