O Tribunal Supremo ha validado unha sentenza ditada pola Audiencia Provincial de Pontevedra que condenou a unha muller, veciña de Ponteareas, a unha pena de catro anos de prisión, por un delito contra a saúde pública. En concreto, a procesada foi xulgada logo de recibir por mensaxería dous paquetes que contiñan 300 gramos de cocaína.
Os feitos, ocorridos en 2017, producíronse cando, tras unha investigación, o Servizo de Vixilancia Aduaneira tivo coñecemento da chegada do paquete coa cocaína ao domicilio da investigada –aínda que o destinatario era o seu compañeiro–. Un axente de Aduanas disfrazouse de repartidor e entregoulle o vulto, que ela recibiu consciente do que ocultaba no seu interior.
O envío foi interceptado en Alemaña, desde onde se alertou ás autoridades españolas, quen acordaron realizar unha entrega controlada do paquete.
As diferentes probas expostas no plenario, entre as que destacaron o testemuño do segundo acusado, que sinalou que ambos actuaron de común acordo, así como múltiples mensaxes de wasap nos que fala sobre o paquete, foron suficientes para concluír a presunción de inocencia dunha procesada que negou os feitos e que xa recorrera sen éxito ante o Tribunal Superior de Xustiza de Galicia. Ademais, deberá abonar 20.000 euros de multa.