Os traballadores de Faurecia Interior Systems, empresa de compoñentes da automoción no polígono da Granxa, no Porriño (Pontevedra), comezarán este mércores unha folga indefinida.
Así o acordaron en asemblea o 94 por cento dos traballadores tras propor o comité de empresa, integrado por CCOO, UXT e CIG, esta medida de presión.
Segundo informa CCOO nun comunicado, a venda da planta ao fondo alemán Callista Private Equity a partir do próximo 30 de setembro é o que motivou a folga dos traballadores, os cales entenden que é unha decisión tomada ás costas da súa representación legal.
O comité defende a viabilidade da planta e esixe que os novos propietarios garantan a totalidade do emprego.
A outra razón que sustenta a folga indefinida é o convenio colectivo, que tras dous anos de negociacións tan só estaba pendente da súa firma.
A dirección de Faurecia, sinala o portavoz de CCOO, Fran Estévez, ademais de "vendernos" tamén pretende non pagarnos os incrementos salariais pactados, nin tampouco as diferenzas económicas polos atrasos xerados estes anos.