Trasladado en helicóptero un veciño de Crecente que caeu dunha estada

Un home foi trasladado este martes en helicóptero tras sufrir feridas de consideración ao caer dunha estada de dous metros de altura no termo municipal de Crecente.

Segundo informou este martes o 112 Galicia foi un familiar do home ferido quen deu o sinal de alerta sobre as 16:15 da tarde.

Os xestores do Centro Integrado de Atención ás Urxencias 112 Galicia solicitaron a intervención dos profesionais de Urxencias Sanitarias de Galicia-061, que mobilizaron un helicóptero medicalizado ata unha zona próxima ao lugar do suceso, na parroquia de Filgueira.

Tamén se solicitou a intervención da Policía Local e da Garda Civil, para prestar apoio ao equipo médico desprazado na aeronave.