Trece positivos ou posibles contaxios entre o persoal de Correos en Pontevedra

Os sindicatos UXT e CC OO denuncian a "ausencia de medios" de prevención durante máis de 20 días
Limpieza en el entorno de Correos, en Marín. CEDIDA
photo_camera Limpieza en el entorno de Correos, en Marín. CEDIDA

Un total de cinco traballadores do cadro de Correos en Galicia permanecen en corentena por dar positivo por coronavirus, segundo os datos facilitados por UXT e CC OO, aos que hai que sumar outros 38 posibles contaxios. Por provincias, dos 43 casos entre infectados e pendentes de confirmar recompilados, 21 correspóndense coa provincia da Coruña; 13 con Pontevedra; cinco coa de Lugo; e outros cinco coa de Ourense.

No conxunto do Estado, son de 836 os traballadores que xa deron positivo e 2.197 os que se atopan en corentena. 

Para os sindicatos, estas cifras "son o reflexo dos incumprimentos dos protocolos sanitarios e das medidas de seguridade". Os sindicatos tamén denuncian que os últimos datos son de 13 de abril e que, desde entón, "a empresa, en contra do criterio do Goberno, deixou de dar datos". 

Así, destacaron a "ausencia de medios" de prevención durante máis de 20 días para os traballadores en lugares como Trives, A Rúa, Ferrol, Vigo, A Coruña, Arteixo ou Lugo, entre outros. Ademáis, censuraron a "falta de protocolos" de corentena ou as "insuficientes medidas de desinfección" de locais e oficinas.

As centrais sindicais tamén advertiron de que a empresa obviou " as instrucións de rotación impostas", o que aumentou o número de traballadores expostos a diario, "pasando o cadro de traballar días alternos a unha exposición diaria", xerando, ademais, "unha discriminación entre centros de traballo e localidades". CC OO e UXT lembran, neste sentido, que non só os traballadores son "susceptibles" de ser contaxiados, senón que poden "converterse en transmisores de contagios á cidadanía".

"MÍNIMO IMPRESCINDIBLE". Pola súa banda, consultadas por Europa Press fontes de Correos, que non facilitaron cifras, aseguraron que a entidade "só presta o servizo postal público, o que se denomina servizo universal", e defendeu que desde a declaración do estado de alarma adoptáronse medidas "organizativas para garantir a continuidade do servizo, co persoal mínimo imprescindible, e ao mesmo tempo protexer a saúde de traballadores e clientes". 

Deste xeito, en canto ás medidas de protección, Correos afirma que "toda a rede dispón de luvas, xeles e máscara" e "o nivel de protección máximo indicado polas autoridades sanitarias de España". Tamén se instalaron biombos protectores en todas as oficinas de Correos coa finalidade de incrementar a seguridade dos traballadores e protexer a súa saúde. 

Comentarios