O Concello da Lama xa fixo pública a programación do Verán Cultural que se desenvolverá ao longo dos meses de xullo e agosto na localidade.
Deseñado en colaboración coa Oficina Municipal de Información Xuvenil (OMIX), o conxunto de actividades está destinado a todos os públicos e inclúe o programa A Lama paso a paso, con saídas e rutas de sendeirismo polo municipio, e o programa Ler conta moito. Este último máis enfocado cara aos máis pequenos e que incluirá talleres de robótica Leigo e Scratch, entre outras actividades.
O Verán Cultural arrinca o próximo 26 de xullo cun concerto da Banda de Música de Cercedo e continuará enchendo de música as rúas do municipio ao longo dese fin de semana.
O Verán Cultural arrincará coa música da Banda de Cercedo
As representacións teatrais, o cine e o deporte estarán tamén moi presentes. O luns 29 de agosto terá lugar un paseo en piragua polo río Verdugo, o martes 30 a función teatral Convivir e o xoves 1 de agosto a proxección nas rúas da película El mejor verano de mi vida, protagonizada por Leo Harlem.
Para os máis maiores, o Concello e a OMIX programaron unha Festa da Terceira Idade para o domingo 4 de agosto nas Ermitas. O evento consistirá nunha comida popular amenizada musicalmente pola Banda de Música de Arcade e a charanga Os Encerellados.
Outras das actividades máis interesantes que terán lugar durante eses días, neste caso enfocada cara aos cidadáns máis novos, é a Festa Infantil do 31 de xullo. Nela non só haberá inchables e demais aparellos lúdicos, senón que a partir das 20.00 horas terá lugar un espectáculo musical e de maxia.
Roteiros de sendeirismo, concertos, teatro, gastronomía, talleres infantís... Todo terá cabida durante eses días
O Verán Cultural porá o seu broche final o domingo 9 de agosto coa celebración da Festa
Desde a organización recordan que para a participación en moitas destas actividades, requirirase a previa inscrición nas oficinas do Concello ou da OMIX ou chamando ao 986768238.
