A película El desconocido logrou alzarse con dous premios a mellor director revelación, para o monfortino Dani de la Torre, e a mellor montaxe -obra do lucense Jorge Coira-, na 71ª edición da gala do Círculo de Escritores Cinematográficos (CEC). Unha noite na que Truman proclamouse campioa, con cinco medallas entre as que se inclúen mellor película, mellor director (Cesc Gai) e mellor actor e actor secundario (Ricardo Darín e Javier Cámara).
Estes últimos galardóns obtidos por El desconocido súmanse a unha longa lista de recoñecementos que podería ter o seu broche de ouro este sábado na gala dos Goya, pois o filme opta a oito galardóns, incluídos o de mellor director novel.
De la Torre afirma que esta categoría é "variada" este ano e mostra a "diversidade" e "riqueza" do cine español: da película "social" de Techo y comida, aos proxectos persoais de Leticia Dolera e Dani Guzmán.
O seu filme conta tamén con outros sete nomeamentos: mellor guion orixinal, mellor actor protagonista (Luis Tosar), mellor montaxe (Jorge Coira), mellor dirección de produción, mellores efectos especiais, mellor son e mellores efectos especiais. Todas fanlle ilusión porque, segundo destaca, pon de relevo as "virtudes" da película.
Dani de la Torre e Jorge Coira, premios Círculo de Escritores Cinematográficos
'El desconocido' suma galardóns nos días previos á gala dos Goya, nos que opta a 8
