Tras un ano de inactividade, o grupo Heredeiros da Crus volve aos escenarios co seu Xira Angústica, unha proposta fóra dos seus estándares habituais, que sitúa á banda nun marco acústico onde realiza unha revisión do seu repertorio.
A xira, que percorrerá Galicia durante o verán, ten dúas citas xa agendadas: o 17 de xullo en Bueu e o 30 de xullo en Rodeiro, ambas dentro do marco da programación do Musigal da Deputación de Pontevedra.
O concerto que dará o pistoletazo de saída, será nunha vila con forte vinculación coa banda, cuxo nomee desvelarase durante os próximos días.
Todos os concertos, segundo informan o grupo, faranse respectando os protocolos sanitarios decretados segundo a situación vixente no momento da súa celebración.
