Iria Pazos sobe ao tren

Publica o poemario 'Longo tren nocturno', non que establece un diálogo de palabras e imaxes con Antón Sobral, Jorge Valenciano e Miguel Vidal
Unha das fotos de Iria Pazos incluída no libro. MIGUEL VIDAL
photo_camera Unha dás fotos de Iria Pazos incluída no libro. MIGUEL VIDAL

A realización dunha curtametraxe reuniu, no verán de 2019, á escritora e modelo pontevedresa Iria Pazos con dous creadores, o marinense Antón Sobral e o ourensán Jorge Valenciano. Aquela colaboración deu pé a unha serie de conversas sobre poesía que cristalizaron agora nun libro, autoeditado, Largo tren nocturno. Comeza así: "quiero bailar y que me fotografíen/ hasta que me certifiquen/ mi existencia porque me alejo me extirpo/ de mi mísera esencia de mi mismo/ sentido implícito".

Antón Sobral explica que o encontro entre todos os autores se producíu a partir dun proxecto audiovisual. "Jorge Valenciano e máis eu tivemos unha idea para unha mediometraxe e eliximos a Iria como protagonista". Gravado en distintos espazos de Portugal, ese traballo está agora en fase de montaxe á espera de moverse por festivais, segundo din os seus responsables. "É unha peza lenta, reflexiva e un tanto experimental", segue a explicar Sobral, que conta como o libro que agora publican complementa o filme. "De feito, o guión está baseado nos textos poéticos que publicamos". 

A partir de 40 poemas que Iria Pazos tiña escritos, Sobral e Valenciano realizan unhas réplicas, tamén poéticas: un contéstalle a 20 pezas e o outro a outras 20. O libro complétase cunha serie de fotografías que o pontevedrés Miguel Vidal lle realizou á propia Iria Pazos no mesmo verán no que se realizou a curta.

"Gustoume dende o primeiro momento a autencidade desta rapaza, a frescura da súa visión. Jorge e eu contestámoslle coa idea de manter un diálogo aberto, interxeracional e transversal", conta Sobral. "Creo que aquí os tres nos deixamos levar pola emoción e pola paixón, non pola razón. Incluso as imaxes de Miguel Vidal encaixan nisto que che digo. A min sempre me gustaron especialmente os libros de poesía con imaxes e contar coas de Miguel é un luxo. Porque as fronteiras entre as artes non existen. Para min é o mesmo a pintura, a poesía e a fotografía". 

O título ten que ver con esa fragmentación da realidade que se dá a través das xanelas dos trens. O libro quere evocar algo diso

FILILOXÍA. Iria Pazos, escritora e modelo, na actualidade estudante de Filoloxía Hispánica en Madrid, debuta como autora neste volume, "aínda que como estudante xa tiña participado en antoloxías anteriormente". Sobre os poemas dos que partiu o libro, explica que son textos curtos "intensos e variados", escritos entre 2017 e 2019. "Sorprendeume moito que Antón Sobral e Jorge Valenciano os entenderan tan ben, que me captaran a pesar de que ás veces se pode pensar que trato de esconderme na linguaxe". Sobre a aposta por Miguel Vidal: "simplemente é un dos fotógrafos que máis me interesan en Galicia". 

Sobre o título do libro, a autora di que "ten que ver con esa fragmentación da realidade que se dá a través das xanelas dos trens, con esas imaxes curtas que che chegan cando está en movemento. O libro pretende evocar algo diso. A edición de Largo tren nocturno sairá para repartir "entre amigos e libreiros de confianza". 

Comentarios