A selección española caeu derrotada no Olímpico de Kiev, na primeira derrota da súa historia ante Ucraína, acusando a súa falta de pegada e cedendo ao tanto de Viktor Tsygankov no minuto 76.
Mantense líder de grupo España a pesar de encaixar a súa primeira derrota contra unha Ucraína infestada de baixas, grazas ao empate de Alemaña ante Suíza (3-3). O porteiro Gueorgui Bushchán, cuarto nas convocatorias do seleccionador Andréi Shevchenko foi o heroe do partido coas súas paradas. Luciuse ante Ansu Fati e unha parada de Ramos no primeiro acto, e fronte a Oyarzabal e Ferrán Torres no segundo.
Unha indecisión na saída de David de Gea e a posición de Jesús Navas, que non tirou o fóra de xogo, provocou que unha rápida transición de Ucraína acabase no gol do triunfo de Tsygankov. España non perdía desde o 15 de novembro de 2018.
