Bale será operado o 29 de novembro en Londres

O galés Gareth Bale será operado o vindeiro martes 29 de novembro, no King Edward VII Hospital de Londres polo doutor James Calder, baixo a supervisión dos doutores do Real Madrid Jesús Olmo e Mikel Aramberri, segundo informou o club na súa páxina web.

Bale, tívose que retirar durante o partido da liga de Campións que disputou este martes o Real Madrid en Lisboa contra o Sporting, e tras as probas realizadas informouse que sufría unha "luxación traumática dos tendóns peroneos do seu nocello dereito".

Agora os servizos médicos do Real Madrid optaron pola intervención cirúrxica que asegura que o xogador non sufra maiores problemas no futuro.

O xogador galés non volverá xogar no que queda de ano e perderase, xa que logo, o Clásico ante o Barcelona no Camp Nou, que se disputará o sábado 3 de decembro, e o Mundialito de Clubs.

En LaLiga Santander Gareth Bale é o segundo máximo anotador do Real Madrid con cinco goles, tres menos que Cristiano Ronaldo, e na liga de Campións leva dous, á marxe das asistencias que deu aos seus compañeiros.