O atleta kenyano Nicholas Bett, campión mundial de 400 m valos en Pequín 2015, morreu en accidente de tráfico no seu país cando regresaba dos campionatos de África, que se disputaron en Nixeria, segundo informaron medios británicos.
O vallista, de 28 anos, faleceu preto da localidade de Nandi cando o coche que conducía se saíu da estrada e acabou na cuneta, segundo confirmaron a policía kenyana e a familia do atleta.
A Policía explicou que Nicholas Bett perdeu o control do seu coche tras golpear nunha fochanca da estrada. Bett fixo historia nos Mundiais de Pequín 2015 ao converterse no primeiro kenyano que gañaba un título internacional en distancias inferiores aos 800 metros. Tamén foi dúas veces medallista nos campionatos africanos.
