O Barça traspasa a Adama ao Aston Villa por 10 millóns de euros

O FC Barcelona anunciou este venres o traspaso do dianteiro da filial Adama Traoré ao Aston Villa inglés por 10 millóns de euros, máis outros dous millóns en variables.

A entidade azulgrana resérvase, no entanto, un dereito de recompra durante os tres primeiros anos de contrato do xogador e un dereito de tanteo ante un posible traspaso.

O extremo de L'Hospitalet, un dos xogadores máis prometedores da canteira azulgrana, inicia a súa aventura na Premier League ante a falta de oportunidades no primeiro equipo do Barça.

"É unha honra para min vir aquí. é un club que mostrou interese en min desde o primeiro día e fíxome sentir importante no seu proxecto. Falei co adestrador e deixoume unha moi boa impresión, tanto del como do que espera de min", declarou Adama tras facerse oficial o seu traspaso.