Jordi Llopart, que en Moscova 1980 logrou a prata nos 50 quilómetros marcha —a primeira medalla do atletismo español nunhas Olimpíadas— e foi campión de Europa da distancia en Praga 1978, está "en coma profundo" e "pendente do servizo de transplantes", segundo o seu irmán Moisés. Tras anunciarse o falecemento do exatleta, de 68 anos, a familia deste explica que está "profundamente" apenada "polos acontecementos" que está a sufrir e comunica que "Jordi Llopart, aínda que en coma profundo, está vivo, ingresado no hospital, pendente do servizo de transplantes".
A propia federación española foi a que comunicou a morte do extleta e mostrou o seu pesar, pero o portal especializado ‘soycorredor.es' explica que Llopart está "en coma irreversible, que será intervido para extraer os seus órganos e que falecerá hoxe" mércores tras a operación.