Louzán quere unha "quiniela galega" para a próxima tempada

A Federación Galega de Fútbol quere implantar unha "quiniela galega" para a próxima tempada. A xunta directiva, presidida por Rafael Louzán, asinou un convenio coa Universidade de Vigo para que avalíe a viabilidade deste novo proxecto do fútbol galego.

A implantación dunha quiniela do fútbol galego para a tempada 2016-17 aínda está en fase de estudo. Louzán xa estableceu os primeiros contactos co Departamento de Economía Financeira e Contabilidade da Universidade de Vigo para que establezan se o proxecto é viable, tanto económica como xuridicamente. O resultado das súas investigacións determinará que formato terá a quiniela: a modalidade de aposta, as categorías, o custo do boleto e os premios que se outorgarían. 

O presidente da Federación Galega de Fútbol considera que a "quiniela galega" pode ter un "efecto dinamizador en todos os ámbitos, principalmente o económico". 

Este novo sistema de apostas só abranguer as categorías do fútbol galego que organiza a Federación Galega de Fútbol.