Leo Messi continuará no FC Barcelona. O xogador arxentino e o club catalán chegaron a un principio de acordo, segundo avanzou L'Esportiu, mediante o cal asinará un novo contrato de cinco anos de duración polo que cobrará a metade do que percibía ata agora.
A renovación non se fará oficial ata que os avogados do xogador e do club solucionen todos os aspectos legais dun contrato moi complexo.
Para lograr a continuidade de Messi, o club tivo que alixeirar xogadores para aliviar as arcas do club. Ata agora saíron do FC Barcelona futbolistas como Trincao, Aleñá, Junior Firpo ou Konrad de la Fuente. Espérase que tamén fagan as maletas outros como Braithwaite ou Pjanic.
GRIEZMANN. Outra das operacións destinadas a rebaixar masa salarial é o truque de Antoine Griezmann por Saúl Ñíguez. Segundo avanzou Paco González na Cope, o acordo é inminente. O francés regresaría ao Atlético e o ilicitano aterraría no Camp Nou para reforzar un medio do campo que estaba collo tras as cabazas de Wijnaldum.
💥 Informa Paco González
— El Partidazo de COPE (@partidazocope) July 14, 2021
💣 Trueque inminente entre el @FCBarcelona y el @Atleti
🔴⚪ @AntoGriezmann volverá al Metropolitano
🔵🔴 @saulniguez jugará en el Barça
❌ Solo un volantazo de Joan Laporta echaría atrás la operación#PartidazoCOPE pic.twitter.com/S0K98fhl6r
