O pleno do concello de Moaña aprobou por unanimidade o cambio da denominación do campo de fútbol municipal, que pasará a chamarse Campo Municipal Iago Aspas O Casal, como homenaxe ao dianteiro do Celta de Vigo, veciño desta localidade pontevedresa.
A partir de agora ábrese un período de exposición pública do expediente para a presentación de posibles alegacións e, de non rexistrarse ningunha, oficializarase o nome do campo no seguinte pleno, previsto para o próximo verán.
A iniciativa foi impulsada pola Peña Celtista Iago Aspas da localidade, xusto despois de que o dianteiro fose convocado por Julen Lopetegui para disputar coa selección española o Mundial de Rusia.