Corría o minuto 70 en Godison Park e o West Ham vencía 1-3 ao Everton. Todo era alegría para o conxunto que adestra o chileno Manuel Pellegrini, que ese día logrou a súa primeira vitoria, ata que o galego Lucas Pérez se negou a saír a quentar, sempre segundo a versión de varios medios británicos.
Incluso unhas imaxes mostran a Lucas discutindo co adestrador de porteiros do West Ham, co que fichou por tres tempadas tras o seu paso por Deportivo e Arsenal. Ao final un compañeiro seu entrou ao campo no seu lugar.
Con todo, Pellegrini negou que existise ningún problema co exdeportivista, que este ano só disputou 40 minutos. "Pode parecer que se negou a quentar pero non é así", dixo o veterano técnico chileno, que quixo quitar ferro ao asunto e negou que existise calquera problema entre eles.
