O Pontevedra xa ten substituto para Manuel Romay, lesionado de longa duración. Logo da derrota deste domingo ante o Racing, á primeira hora desta mañá, o club anunciou a incorporación de Damià Sabater, que chega procedente da Nucía.
Centrocampista que cumprirá 25 anos este febreiro, Sabater conta con experiencia en Segunda co Mallorca –o seu club de formación– e o Lugo. Nas últimas tempadas militou na filial do Espanyol, desde onde recalou en La Nucía este verán.
No conxunto da Comunidade Valenciana, Damiá Sabater xogou oito partidos de liga, seis deles como titular. Hai unhas horas fíxose oficial a rescisión do seu contrato.
A pesar do seu pouco protagonismo no equipo nuciero, Sabater chega coa bitola de ser un centrocampista de bo pé. O seu talento levoulle a ser internacional nas categorías inferiores de España.
