A defensa de Ronaldinho cualificou este domingo de "arbitraria, abusiva e ilegal" a prisión preventiva que pesa contra o exinternacional brasileiro e o seu irmán por ingresar en Paraguai con pasaportes paraguaios falsificados, polo que este luns pedirá a súa anulación.
"Ronaldo e Roberto non sabían que os pasaportes eran irregulares, para eles eran regulares", afirmou nunha rolda de prensa o avogado brasileiro Sergio Queiroz, que este domingo se sumou ao equipo xurídico do exdianteiro do Barcelona.
Seguidamente, Queiroz insistiu en que os irmáns manexaban a posibilidade de establecer negocios en Paraguai, polo que recibiron "de boa fe" os pasaportes e as cédulas paraguaias que lles foron incautados a noite do mércores, horas logo de chegar a Asunción.
"É bobo; non sabía que era delito", chegou a dicir outro dos avogados do exfutbolista para xustificar o seu comportamento nunhas declaracións recolleitas polo diario Folha de São Paulo.