José Mourinho ten novo traballo e non é en ningún banco. O adestrador fichou pola cadea de televisión BeIN Sports como comentarista e cobrará a escandalosa cantidade de 67.000 euros por cada partido no que colabore.
O técnico luso, despedido recentemente do Manchester United, embolsarase unha millonada a pesar de non poder falar en antena do seu xa exequipo, co que tiña asinada unha cláusula de confidencialidade, segundo publicaron medios británicos.
O primeiro partido que comentará o exadestrador do Real Madrid será o Qatar-Arabia Saudita, deste xoves, 17 de xaneiro. Dous días despois, Mourinho estrearase na Premier League co Arsenal-Chelsea.