O Deportivo confirmou este venres que o Xuíz de Competición da Real Federación Española de Fútbol aceptou a súa solicitude de aprazar o partido de Primeira Iberdrola que ía enfrontar este domingo ao Dépor Abanca co Betis na Cidade Deportiva de Abegondo.
O conxunto galego pediu o adiamento porque quince xogadoras do seu primeiro equipo feminino, pechacancelas da Primeira Iberdrola, deben permanecer os próximos días en illamento ao ser contacto estreito dunha persoa positiva en Covid-19.
Polo mesmo motivo, o Deportivo tamén solicitou o adiamento do encontro do próximo mércores en Madrid fronte ao Raio Vallecano, correspondente á sétima xornada, que xa fora aprazado.