O gardameta español do Oporto Iker Casillas, que este mércores sufriu un infarto agudo de miocardio mentres se adestraba, publicou unha mensaxe en Twitter no que asegura que segue "coas forzas intactas" tras un "susto grande".
"Todo controlado por aquí, un susto grande pero coas forzas intactas. Moitísimas grazas a todos polas mensaxes e o agarimo", escribiu o excapitán do Real Madrid e da selección española na súa conta desa rede social.
Todo controlado por aquí, un susto grande pero con las fuerzas intactas. Muchísimas gracias a todos por los mensajes y el cariño 😃💪🏼 pic.twitter.com/i3TXsELUGD
— Iker Casillas (@IkerCasillas) 1 de maio de 2019
Casillas acompaña o texto cunha foto na que aparece riseiro, con moi bo aspecto, na cama do hospital de Porto no que está ingresado tras sufrir un infarto durante o adestramento deste mércores do seu equipo.
"Iker Casillas sufriu un infarto agudo de miocardio durante o adestramento desta mañá, realizado no Centro de Adestramento e Formación Deportiva PortoGaia, no Olival", sinalou o club portugués.
O Oporto indicou que "a sesión de traballo foi rapidamente interrompida para prestar asistencia" ao porteiro que foi trasladado ao referido centro hospitalario.
O club de fútbol asegurou que o exguardameta do Real Madrid, que cumprirá 38 anos o próximo 20 de maio, "se atopa ben, estable e co problema do corazón resolto".