A galega Belén Toimil, plusmarquista española de lanzamento de peso cunha marca de 18.80 metros, lamentou a súa eliminación nos Xogos Olímpicos de Tokio e asegurou que caer " primeira dá rabia porque a final estaba cerca" e atopábase "ben".
A mugardesa fixo dous nulos nos dous primeiros intentos na proba de cualificación e no terceiro e definitivo quedou nos 17,38 metros, lonxe das súas mellores marcas pero a tan só cinco centímetros do corte.
"É unha pena porque me atopaba moi ben e sabía que podía facer a marca que pedían. Non foron nervios, estaba tranquila, pero non me saíu. Intenteino a matar, saíron dous nulos por fallos da técnica, e dáme pena porque se que son capaz de facelo moito mellor", dixo Toimil, en declaracións a TVE.
"Caer eliminada dá rabia porque a final olímpica estaba cerca. O último lanzamento fíxeno con medo para non saírme e non reflexa en absoluto do que son capaz. Nos dous primeiros saínme por diante ao ir a matar pero, en fin, isto é a competición, que non sempre sae ben", concluíu.
