O Tottenham Hotspur despediu a José Mourinho, segundo anunciaron este luns os medios ingleses.
O portugués, que chegou ao Tottenham en novembro de 2019, márchase tras empatar o pasado venres a dous contra o Everton, complicando as súas opcións de entrar entre os catro primeiros da Premier League e clasificarse para a Champions League.
A noticia chega apenas unhas horas despois de que o Tottenham anunciase a súa participación como membro fundador da Superliga europea.
Ademais, Mourinho ía disputar o próximo fin de semana a final da Copa da liga contra o Manchester City, a oportunidade para que os Spurs levantasen o seu primeiro título desde 2008.
