O alemán Sebastian Vettel (Ferrari) sufriu un accidente este sábado durante a terceira sesión de adestramentos libres para o Gran Premio de Mónaco de Fórmula Un.
Vettel chocou o seu monopraza de xeito frontal contra as proteccións do circuíto urbano do Principado de Mónaco, cando quedaban 42 minutos para o final dos Libres 3.
O piloto de Ferrari abandonou polo seu propio pé o coche, que presenta importantes danos na parte dianteira.