Foi unha vitoria pola mínima ante o Fabril, pero que deixou, de novo, boas sensacións. A fórmula mostrada polo Pontevedra CF nos últimos partidos funcionou unha vez máis. Luismi e os seus mozos mantiveron a solidez defensiva e souberon imporse no campo do Fabril. Javi Pazos tivo unha e meteuna para dar a vitoria ao equipo.
O Pontevedra CF e o Fabril empezaron tensos, como se a calor da última hora da tarde os aletargase. Pasarón recibiu un ambiente que tampouco invitou a emocións fortes e, como consecuencia, os minutos iniciais foron de ritmo bastante entrecortado. O conxunto granate buscou de forma algo tímida abrir o campo, pero nin Javi López nin Pedro Vázquez conseguiron meter bos balóns á área. Ambos actuaron como extremos nunha aliñación titular que, parece, pode empezar a parecerse ao que se antolla como o once que Luismi tomará de referencia unha vez empece a competición oficial.
Le a crónica completa na edición impresa de Diario deste sábado
