O Teucro despediu a tempada no Príncipe Felipe cunha nova derrota nun partido nivelado que levou o que máis o necesitaba. Caeu 21-25 ante o Cajasur Córdoba.
Comezou ben o encontro o cadro pontevedrés, que manexou rendas de ata tres goles grazas á solidez do 6-0 defensivo, con Álex Gómez e Caue Herrera no centro e as intervencións dun inspirado Rau en portería.
En ataque, eran Álvaro Moreno e Areias, cos seus lanzamentos desde nove metros, xunto a Caue Herrera en seis metros, os encargados de definir ante Torres.
A inspiración e o acerto ofensivo desapareceu co paso dos minutos, e deu paso ás perdas, faltas en ataque e as intervencións do cérbero rival, que puxo un muro na súa portería
O conxunto visitante, meteuse no partido máis por deméritos do Teucro, que grazas ao seu propio traballo, xa que en ataque non estivo fino. Os goles á contra de Morais, cos que Cajasur castigou os constantes erros na circulación do ataque anfitrión, foi a súa mellor arma nun partido no que faltou fluidez e no que os dous equipos mostraron dificultade para conseguir claridade nas súas ofensivas.
Cun gol de Morais nos últimos instantes do primeiro tempo, Cajasur situouse por primeira vez por diante no marcador, co 9-10 co que se chegou ao intermedio. Tras o paso por vestiarios, o cadro visitante amagó con romper o encontro. Logrou tres goles de renda no minuto 40 (12-15) que obrigou a Irene Vilaboa a ter que solicitar tempo morto.
Kilian soubo ler a situación, aproveitou que Cajasur baleirou a súa portería para xogar unha inferioridade con seis en ataque, e marcou dous goles de portería a portería.
