O Cisne Colexio Los Sauces sumou este sábado un insípido empate ante o Agostinos Alacante, nun encontro que tivo dúas partes moi diferenciadas pola imaxe mostrada polos pupilos de Jabato. No primeiro acto, os xogadores pontevedreses estiveron totalmente desaparecidos na faceta defensiva, mentres que na segunda melloraron en todos os aspectos ata o punto de poder conseguir a vitoria. Pero non foi así.
Na primeira parte do partido, os cisneístas estiveron totalmente desaparecidos. Tiveron a oportunidade de estrear o marcador a mans de Leiras, pero o extremo fallou. Pronto se puxo o Agostiños Alacante por diante con dous goles: o primeiro desde os nove metros cun incrible lanzamento de Ander Iriarte -que xunto con David Cuatero converteríase nun pesadelo para o Cisne- e outro ao contraataque, que marcou Didac Villar.
Podes ler a crónica completa do partido este domingo na edición impresa de Diario de Pontevedra.
