O Frigoríficos do Morrazo, pechacancelas da liga Asobal, caeu este mércores na súa visita á pista do Bidasoa-Irún por un contundente 32-19. Tres minutos tardaron os dous equipos en abrir o marcador tras catro ataques errados.
O poderío ofensivo do Bidasoa fixo que no minuto 10 xa estivesen tres arriba no marcador (5-2) grazas en boa medida a Jon Azkue, con cinco goles na primeira metade, e Esteban Salinas, que recibiu unha cálida ovación tras anunciarse a semana pasada que non continuará en Irún a tempada que vén.
O Frigoríficos do Morrazo deixou patente en Artaleku a súa condición de pechacancelas. Os galegos deixaron buracos en defensa e non souberon responder aos ataques bidasotarras. A primeira parada visitante chegou no minuto 24, obra de Forns. A máxima diferenza da primeira metade chegou antes do descanso (13-8).
Os primeiros cinco minutos da segunda metade serviron para abrir unha diferenza reseñable e romper o partido. Jacobo Cuétara puido dar descanso a xogadores como Azkue. Crowley e Tesoriere foron os únicos locais que non anotaron. Tras as vitorias de Ademar de León e Logroño A Rioxa, o Bidasoa-Irún segue cuarto e con opcións de entrar na Copa Asobal a falta de dous partidos.
Frigoríficos Morrazo Cangas (8+11): Forns (p), Vujovic (3), Soliño, Peiró, Cerqueira (1), Vilanova, Muratovic (2) —siete inicial—, Díaz (ps), Simes (6, 4p), González (2), Gayo (1), Quintas Aller, Rodríguez (1), Menduíña (2) e Castro (1).
Marcador cada cinco minutos: 1-1, 4-2, 8-5, 11-7, 11-7, 13-8 (descanso); 17-9, 20-11, 24-13, 27-15, 30-16 e 32-19 (final).
Árbitros: Álvarez Mata e Bustamante López. Excluíron aos locais Tesoriere e Renaud-David e ao visitante Cerqueira (2).
Incidencias: Partido da 13ª xornada da liga Asobal. 1.150 espectadores en Artaleku.
