Deporte Local Pontevedra
Alexis Viéitez pode coa presión
O piloto de Tenorio Alexis Viéitez sumou este domingo unha plácida mañá nas dúas mangas finais da Subida a Ponte Caldelas. Demostrou que o seu Fórmula Outeda MK non falla nos momentos decisivos.
Dominou as dúas subidas e ademais na terceira marcando marca de tempo con 2 minutos, 5 segundos e 334 milésimas. Como Pablo Rey fallou na terceira manga clasificatoria (2.25.016), só un auténtico carreirón do ourensán na cuarta tirada podería significar a sorpresa. Non foi así e o piloto de Buxa Motor Poio consolidouse como vencedor en Ponte Caldelas, porque xa son tres edicións e as tres gañadas por el.
O podio completouse co outro piloto que conducía o Fórmula Outeda MK, verdadeiros denominadores da subida, Jacobo Senín. Manuel Senra, co seu Peugeot 306 Maxi, acabou quinto clasificado mentres Santi Abad, con Lamborghini Gallar, finalizou sétimo.
Alexis Viéitez domina o Campionato Galego de Montaña con tres vitorias parciais (Cerdedo-Cotobade, Pontevedra-Almofrei e Ponte Caldelas). Ten pinta que de que de novo vai ser rei da tempada de Montaña.
