A 54 edición do Rallye Rías Baixas, proba puntuable para a Copa de España de asfalto 2021, foi aprazada, coa data aínda por definir, por mor da crise sanitaria provocada pola covid-19, informou este mércores a organización.
"Os últimos datos sobre a evolución da pandemia xeran lóxicas dúbidas acerca da seguridade sanitaria que se poida manter nunha proba que tivo sempre á cidade de Vigo como un dos seus eixos principais", explica no seu comunicado.
Recalvi, empresa promotora desta 54 edición, acordou o pasado luns co concello de Vigo e a Escuadra Rías Baixas "atrasar" a celebración do rallye a unha data posterior pero sempre dentro deste ano 2021. O seu desexo é que a cita se celebre entre o mes de setembro e a primeira quincena de outubro.