A Boa Vila volve sentir o tríatlon

▶  O Campionato Galego, enmarcado no tradicional Cidade de Pontevedra, reunirá a máis de 500 deportistas da comunidade que intentarán facerse co título

▶  Pablo Dapena e Saleta Castro participarán na proba de elite

Un momento del Campeonato de España de Triatlón que se celebró en Pontevedra el pasado mes de septiembre. RAFA FARIÑA
photo_camera Foto de arquivo do Campionato de España de Tríatlon que se celebrou en Pontevedra o pasado mes de setembro. RAFA FARIÑA

As beiras do río Lérez xa están preparadas para volver sentir a emoción do tríatlon. Logo de ser o epicentro da disciplina internacional coa celebración do ITU Multisport, a cidade pontevedresa volve ter a espiral.

A xornada do sábado será a idónea para volver converterse na protagonista grazas á celebración do Campionato Galego de tríatlon, enmarcado na décimo novena edición do trofeo Cidade de Pontevedra, no que participan algúns dos mellores deportistas do panorama autonómico. Como xa vén sendo habitual, o río será o especial protagonista, do mesmo xeito que a Illa das Esculturas, a zona do campus universitario, a estrada de Santiago e a Avenida de Uruguai, onde estará situada a meta.

Esta nova edición da competición pontevedresa contará coa participación de 550 deportistas, dos cales 169 teñen licenza profesional. De feito, algúns dos mellores deportistas do panorama autonómico botaranse á carreira para conquistar o título galego. Pablo Dapena e Saleta Castro serán os principais protagonistas, con todas as opcións de levar o ouro nas súas respectivas categorías (masculina e feminina). Aínda así, haberá outros deportistas como Alberto Castiñeira, Andrés Cendán, ou Antón Ruanova que intentarán meter en apertos ao subcampión do Mundo.

O Campionato Galego congregará a máis de 500 deportistas

Na categoría feminina, ademais de Castro, as irmás Brea (Joselyn e Edymar) e as Alonso (Melina e Camila, que volven competir logo dunha lesión) buscarán realizar as súas mellores marcas para meterse no podio da competición. Ana Santiso e Anneke Jekins, tamén chegan ao campionato coa intención de destacar.

O Campionato galego estará formado por seis probas. A categoría elite non sairá ata as 18.15 horas, sendo as mulleres as primeiras en saltar ao río Lérez. Ás 19.15 horas será a quenda da carreira masculina.

O Campionato galego estará formado por seis probas

Con todo, a primeira proba do día será a de menores (non competitiva), deseñada para nenos e nenas de entre 9 e 12 anos, que completarán unha carreira de 100 metros a nado e 500 a pé. Ás 15.00 horas celebrarase a minisprint, con 300 metros a nado, 10 km en bicicleta e 2,5 a pé, dando paso ás 15.45 horas á proba popular, cuxos participantes percorrerán a distancia propia da modalidade sprint (750 metros de natación, 20 quilómetros de ciclismo e cinco de carreira a pé).

O tramo de natación terá lugar entre o pantalán do Ponte dos Tirantes e o peonil, mentres que o circuíto ciclista celebrarase entre a avenida de Compostela e o campus universitario; A carreira a pé realizarase pola Illa das Esculturas e a Avenida de Uruguai.

Máis en Deporte Local Pontevedra
Comentarios