O lateral esquerdo Brais González, un das fichaxes do Frigoríficos do Morrazo para a tempada 2019-20, asegurou este mércores que a presenza do técnico Nacho Moyano no banco do Gatañal foi "clave" para que se decantase pola oferta do conxunto cangués.
"Coñéceme desde hai tempo e se o que pode sacar de min. A chegada de Nacho aos Frigoríficos influíu bastante na miña decisión", declarou o internacional xuvenil, que coincidiu co técnico madrileño nas categorías inferiores do equipo nacional.
Brais González, que cumprirá 18 anos en agosto, afronta a súa etapa nos Frigoríficos con moitas "ganas" e "ilusión", sen esquecer que terá unha "dura" competencia no seu posto.
"Quero aprender, aprender dos xogadores con máis experiencia como Muratovic. Para min é un salto importante, chego ao club máis grande a nivel galego e á máxima categoría do balonmán español", manifestou o lateral dos Frigoríficos.
O equipo cangués iniciará o vindeiro luns a pretemporada pendente da chegada do central bielorruso Valentin Kuran. Os Frigoríficos iniciará a liga Asobal recibindo na súa pista ao Fraikin Granollers o próximo 7 de setembro.
