Sábado. 17.11.2018 |
El tiempo
Sábado. 17.11.2018
El tiempo

Carol, Antía e Silvia, con España

Antía e Carol na súa presentación co Poio. ADP
Antía e Carol na súa presentación co Poio. ADP

 As máis novas do persoal acudirán en outubro aos Xogos Olímpicos da Mocidade coa sub-18, mentres que a gardameta preparará a clasificación para o Europeo absoluto
 

O Poio Pescamar FS está de parabén. Tres das súas xogadoras recibiron a chamada das seleccións nacionais para formar parte dos distintos equipos en citas internacionais. As novísimas Carolina Agulla e Antía Pérez estarán coa sub-18 nos Xogos Olímpicos da Mocidade, mentres que Silvia Aguete participará na fase de clasificación de España para a primeira edición do Europeo feminino. Ambas as listas deunas a coñecer a nova seleccionadora absoluta e exjugadora Clàudia Pons.

A gardameta pontevedresa desprazouse onte a Las Rozas para concentrarse co equipo nacional. A selección ten programados dous amigables ante Portugal en Oliveira de Azemis os días 5 e 6 de setembro. Silvia Aguete forma parte dunha convocatoria na que non están nin Belén nin Ronsel. De feito, en portería acompañarán á pontevedresa Ana Etayo (Jimbee Roldán) e Cari (Guadalcacín). Ademais, a lista complétana: Isa García, Mayte Mateo, Amelia, Ana Luján, Irene, Berta, Ampi, Consu, Peque e Vane Sotelo.

Silvia volve facerse un oco na selección logo de non poder acudir ao Torneo de Moscova por lesión. A última vez que vestiu ‘a Vermella' foi no Torneo IV Nacións celebrado en Guadalaxara.

Pola súa banda, a ourensá Antía Pérez e a perla de Combarro Carolina Agulla volven entrar nos plans de Clàudia Pons coa sub-18. Ambas foron vitais para conseguir a clasificación para os Xogos Olímpicos da Mocidade e agora forman parte do combinado que acudirá a Buenos Aires a nbsp;disputar&a gran cita do ano.

As dúas mozas xogadoras son as grandes promesas do fútbol sala feminino nacional e serán alicerces fundamentais esta tempada no Poio Pescamar FS. Carol fíxose un oco na selección tras un gran traballo co primeiro equipo rojillo, mentres que Antía foi clave no Ourense Envialia durante os últimos anos.

Unha vez máis, o conxunto rojillo volve ser protagonista nas listas da selección e terá visibilidade a nivel internacional. 

Carol, Antía e Silvia, con España
Comentarios