O ciclista estradense Alejandro Marque, do equipo portugués Sporting/Tavira, logrou este domingo a vitoria final na Volta a China II, unha vez disputada a quinta e última etapa.
O corredor alcanzou o liderado tras disputarse a cuarta etapa, unha contrarreloxo individual na que compartiu o mellor tempo co ruso Artem Ovechkin (Terengganu).
Marque levou a vitoria final co mesmo rexistro total (10h.24:05) que Ovechkin, segundo. O podio completouno o australiano Kaden Groves (Mitchelton).
Alejandro Marque, de 36 anos, selou o seu quinto triunfo profesional.