O Cisne Colegio Os Sauces anunciou este martes a renovación por unha tempada do pivote Daniel Ramos, quen cumprirá así a súa terceira campaña no conxunto pontevedrés, a que chegou en 2017 procedente do Barcelona.
“É un pracer para min seguir nesta familia e esperamos poder celebrar pronto todo o conseguido este ano”, apuntou o pivote, que xa debutou na liga Asobal co Barça nun partido contra o Ángel Ximénez Puente Genil.
A súa renovación súmase ás xa anunciadas polo Cisne de Pablo Gayoso, Jorge Villamarín, Álex Chan, Iván Calvo, Alejandro Conde, Álvaro Prezado, Dani López e José Leiras.
De momento, o conxunto dirixido por Javier Fernández, Jabato, que se estreará na máxima categoría do balonmán español a próxima tempada, pechou as fichaxes do pivote Gonzalo Carró e o lateral dereito Carlos Pombo.
